Bu bölgəmizə də qar yağır - FOTO/VİDEO

Səhər saatlarından başlayaraq Şəki-Zaqatala bölgəsinə qar yağır.

Bizim.Media-nın yerli bürosu xəbər verir ki, ötən gün bölgə rayonlarında gün boyu havanın temperaturu mənfi 2-3 dərəcə arasında dəyişib. Lakin bu gün səhər saatlarından temperatur 0-1 dərəcə arasında müsbətə dəyişərək qar yağmağa başlayıb.

Kənd təsərrüfatı mütəxəssisləri bildirir ki, havanın şaxtalı-qarlı keçməsi ilk növbədə əkin sahələrində zərərvericilərin məhvinə səbəb olur.

Bölgənin avtomobil yolları və magistrallarında bəzi yerlərdə çiskli-dumanlı olsa da hərəkətdə heç bir məhdudiyyət yoxdur.

Qeyri-sabit hava şəraitinin gün boyu davam edəcəyi bildirilir.










Tural Rasimoğlu, Bizim.Media, Şimal-Qərb bürosu