Hərarəti olan uşağa bunları etmək YANLIŞDIR

Mütəxəssislər bildirirlər ki, uşaqlarda 38 dərəcə və daha yuxarı qızdırma əhəmiyyətli bir xəbərdarlıq əlaməti ola bilər, lakin evdə səhv müdaxilələr vəziyyəti daha da pisləşdirir.

Bizim.Media xəbər verir ki, qızdırması olan uşağa həddindən artıq soyuq və ya buzlu su ilə duş qəbul etdirmək hərarəti salmaq əvəzinə artıra bilər.

Ümumiyyətlə, 38 dərəcə və daha yüksək qızdırma əhəmiyyətlidir. 39 dərəcədən yuxarı isə yüksək qızdırma hesab olunur. 40 dərəcəyə çatanda isə həkim müayinəsi tələb olunur. Xüsusilə 3 aydan kiçik körpələrdə hətta 38 dərəcə ciddidir. 5 gündən çox davam edərsə, araşdırılma aparılmalıdır.

Uşaqlarda qızdırmanın ən çox yayılma səbəbi virus infeksiyalarıdır (məsələn, soyuqdəymə, qrip, virus ishal, əl, ayaq və ağız xəstəliyi). Bakterial infeksiyalar (məsələn, orta qulaq infeksiyası, boğaz infeksiyası, sidik yolu infeksiyası, pnevmoniya) daha az yayılıb, lakin təhlükəlidir.

Peyvənddən sonra yüngül qızdırma baş verə bilər və ümumiyyətlə 24 saatdan çox davam etməməlidir. Diş çıxarma zamanı temperaturun bir qədər artması baş verə bilər və bəzi revmatik xəstəliklər də qızdırmaya səbəb ola bilər.

Əvvəlcə uşağın üzərindən artıq paltarları çıxarın.

Otaq temperaturu 21-23°C ətrafında saxlanılmalıdır.

Su, ana südü, ayran və meyvə suyu kimi bol maye verin.

Əgər uşaq çox narahatdırsa, həkimin tövsiyəsi ilə müvafiq dozada qızdırmasalıcı verilə bilər. (axsam.az)

Bizim.Media