Ucarda itlərin hücumuna məruz qalan şəxsin vəziyyəti açıqlanıb.
MÖVZU İLƏ BAĞLI:
Ucarda sahibsiz itlər 61 yaşlı kişiyə hücum etdi – FOTO/VİDEO
TƏBİB-dən Bizim.Media-nın yerli bürosunun sorğusuna cavab olaraq bildirilib ki, 23.12.2025-ci il saat 10:30 radələrində it dişləməsi səbəbilə 1 nəfər (kişi) Ucar Rayon Mərkəzi Xəstəxanasının Təcili tibbi yardım şöbəsinə hospitalizasiya olunub.
1964-cü il təvəllüdlü pasiyentə bədənin müxtəlif nahiyələrinin didilmiş, cırılmış açıq yaraları diaqnozu təyin olunub və zəruri tibbi xidmətlər göstərilib, quduzluq əleyhunə peyvənd olunub.
Vəziyyəti qənaətbəxş qiymətləndirilən şəxs ambulator müalicə üçün evə buraxılıb.
Bizim.Media, Aran bürosu


































































































