Oktyabrın 20-də Mədəniyyət və Turizm Nazirliyinin təşkilatçılığı ilə Azərbaycan Dövlət Filarmoniyasında xalq şairi Hüseyn Arifin 90 illiyinə həsr olunmuş təntənəli yubiley tədbiri keçiriləcək. Nazirlikdən Moderator.az -a verilən məlumata görə, elm, mədəniyyət xadimlərinin və müvafiq dövlət strukturlarının nümayəndələrinin iştirak edəcəyi tədbirdə Hüseyn Arifin həyat yolu, fəaliyyəti və yaradıcılığından söhbət açılacaq, şeirləri səsləndiriləcək.
Yubiley tədbirində şairin sözlərinə bəstələnmiş musiqilər ifa olunacaq, H. Ariflə bağlı videoçarx göstəriləcək.
