Ötən həftə Goranboy rayon İcra Hakimiyyətində qəbul zamanı insident yaşanması ilə bağlı məlumatlar yayılıb.
İcra Hakimiyyətindəki qəbulda qalmaqal - Vəzifəli şəxs başçının müavininə hücum etdi
Belə ki, rayon Su və Meliorasiya İdarəsində icraçı direktor vəzifəsində çalışdığı iddia edilən Qızılhacılı kənd sakini 1962-ci il təvəllüdlü A.İskəndərov qəbul zamanı RİH rəhbərliyinin ünvanına təhqiramiz ifadələr işlətdiyinə və icra başçısının müavini Z.Əliyeva hücum etdiyinə görə polis tərəfindən saxlanılıb.
Barəsində İnzibati Xətalar Məcəlləsinin 510-cu (Xırda xuliqanlıq) maddəsi ilə protokol tərtib edilən vəzifəli şəxs məhkəməyə göndərilib.
Maraqlıdır ki, 6 sutka həbs alan vəzifəli şəxs barədə Azərbaycan Dövlət Su Ehtiyatları Agentliyi hansı tədbir görüb?
Bununla bağlı ADSEA-ya sorğu göndərdik. Qurumdan Bizim.Media-ya bildirilib ki, yayılan məlumatda yanlışlıq var:
“A.İsgəndərov su idarəsinin icraçı direktoru deyil. O Qızılhacılı Sudan İstifadəedənlər Birliyinin əməkdaşıdır”.
Surxay Atakişiyev, Bizim.Media
