Azərbaycanda 16 yaşlı yeniyetmə ana olub və dünyaya gətirdiyi körpədən imtina edib.
Bizim.Media xəbər verir ki, bu barədə məlumatı “Təmiz Dünya” Qadınlara Yardım İctimai Birliyinin rəhbəri Mehriban Zeynalova bildirib.
Onun sözlərinə görə yeniyetmə ana körpəyə baxmaqdan imtina edib:
“İstəyirdik ki, bu körpə anasının qucağında, onun sevgisi ilə böyüsün. Ancaq bütün səylərimizə baxmayaraq, ana körpəyə baxmaq istəmədiyini bildirdi. Onu qınaya bilmirik onun cəmi 16 yaşı var.
Bu körpəni sahibsiz qoyan atasına isə yalnız bir arzumuz var: ümid edirik ki, bir gün vicdanı oyanar və ən azından bu körpəyə sahib çıxar”, - deyə sığınacaq rəhbəri əlavə edib.
Mehriban Zeynalova hazırda körpənin körpələr evinə yerləşdirilməsi üçün müvafiq prosedurların aparıldığını bildirib.
Alçina Amilqızı, Bizim.Media
