Keçmiş milli təhlükəsizlik naziri Eldar Mahmudovun oğlu Anar Mahmudovun adı Londonda yeni təsis edilmiş şirkətin sənədlərində ortaya çıxıb.
Bizim.Media xəbər verir ki, bu barədə araşdırmaçı jurnalist Cavanşir Həsənli öz sosial şəbəkə hesabından məlumat yayıb.
MÖVZU İLƏ BAĞLI:
İngiltərə məhkəməsi Eldar Mahmudovun ailəsinin iddiasını rədd etdi – DETALLAR
Belə ki araşdırma nəticəsində məlum olub ki, Britaniya və İrlandiya vətəndaşı olan Rocer Con Kopseyin ilk direktoru olduğu “Britannia Group Ip Holdings Limited” ötən il martın 22-də təsis edilib.
Oktyabr ayında şirkətin ləğvi üçün baş vurulsa da, ötən ay müraciət geri çəkilib və şirkətin direktorluğu Anar Mahmudova keçib.
Qeyd edək ki, yanvarın 4-də İngiltərə Ali Məhkəməsi Anar Mahmadovun İspaniyanın beş nəşrinə qarşı qaldırdığı böhtan iddiasını rədd edib. Anar Mahmudov ispan nəşrlərini keçmiş MTN rəhbərinin biznes fəaliyyəti və ailəsinin bir sıra Avropa ölkələrində olan daşınmaz əmlakları haqqında məqalə dərc etmələri səbəbindən məhkəməyə vermişdi.
Bizim.Media
