Gəncədə yerləşən Ədliyyə Nazirliyi Penitensiar xidmətinin 2 saylı İstintaq təcridxanasında saxlanılanlar arasında stolüstü idman oyunları üzrə yarışlar keçirilib.
Gəncə şəhər Gənclər və İdman Baş İdarəsinin rəisi Həmid Nəsirovun Bizim.Media-nın yerli bürosuna verdiyi məlumata görə, Dünya Azərbaycanlılarının həmrəylik günü və Yeni il bayramı ərəfəsində təcridxanada saxlanılanlar arasında yarışlar keçirilib:
“Çempionat şahmat, dama və nərd üzrə olmaqla 3 növdə Gəncə şəhər İcra Hakimiyyətinin dəstəyi, Gəncə şəhər Gənclər və İdman Baş İdarəsinin təşkilatçılığı ilə baş tutub.
Yarışların keçirilməsində məqsəd bayram ərəfəsində təcridxanada saxlanılan vətəndaşların asudə vaxtının səmərəliliyini təmin etməkdir”, - deyə Həmid Nəsirov əlavə edib.
Yarışın sonunda qaliblər və 2 saylı İstintaq Təcridxanasının bir sıra əməkdaşları Gəncə şəhər Gənclər və İdman Baş İdarəsi tərəfindən Fəxri fərmanlarla və diplomlarla təltif olunublar.
Məqsəd Rəhimov, Bizim.Media
- A-
- A
- A+
Cəmiyyət
15:30 / 30.12.2021
Gəncədə təcridxanada stolüstü oyunlar yarışı keçirildi
Hazırda oxunan: Gəncədə təcridxanada stolüstü oyunlar yarışı keçirildi
Hazırda oxunan: Gəncədə təcridxanada stolüstü oyunlar yarışı keçirildi
53237
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.
