Bu gün doğum gününü qeyd edən Azərbaycanın birinci xanımı Mehriban Əliyevanın qızları analarını sosial şəbəkə vasitəsilə də təbrik ediblər.
Moderator.az -ın məlumatına görə, Arzu Əliyeva anasının fotosunu yerləşdirərək “Happy Birthday Mrs. Mehriban Aliyeva!!!” yazaraq təbrikini bildirib.
Leyla Əliyeva isə anası, bacısı və özünün olduğu fotonun üstündə 3 ürək şəkli ilə sevgisini bildirib.
Heydər Əliyev Fondunun prezidenti, UNESCO və İSESCO-nun xoşməramlı səfiri Mehriban Əliyevanın 50 yaşı tamam olur.
Mehriban Əliyeva 1964-cü il 26 avqustda Bakı şəhərində ziyalı ailəsində anadan olub. Atası Arif Paşayev fizika-riyaziyyat elmləri doktoru və Bakıdakı Milli Aviasiya Akademiyasının rektorudur. Anası Aida İmanquliyeva görkəmli filoloq və ərəbşünas olub.
1982-ci ildə Bakı şəhəri 23 â„–-li orta məktəbi qızıl medalla bitirərək N.Nərimanov adına Azərbaycan Dövlət Tibb İnstitutunun müalicə-profilaktika fakültəsinə daxil olub. 1988-ci ildə M.Seçenov adına 1-ci Moskva Dövlət Tibb İnstitutunu fərqlənmə diplomu ilə bitirib. 1988-1992-ci illər ərzində Moskvada akademik Krasnovun rəhbərliyi altında Göz Xəstəlikləri Elmi-tədqiqat İnstitutunda işləyib.
Mehriban Əliyeva Azərbaycan Respublikasının prezidenti İlham Əliyevlə evlidir. Üç övladı və üç nəvəsi var.
