Yas mərasimlərindəki israfçılığın qarşısının alınması üçün Qafqaz Müsəlmanları İdarəsinin 3 il öncəki müraciətinin nəticəsiz qalmasını görən hökumət inzibati yolla məsələyə əncam çəkmək qərarına gəlib.
QMİ sədrinin müavini, İslam Universitetinin dekanı, Hacı Fuad Nurullah Moderator.az-a müsahibısində məsələyə aydınlıq gətirib---moderator.az/?xeber=52852
Onun şadlıq saraylarındakı israfçılıqla bağlı fikirləri də diqqətçəkən
olduğundan ayrıca olaraq oxuculara təqdim etmək qərarına gəldik:
“Şadlıq evlərində keçirilən toylar da QMİ-ni
narahat edir. Burada da aşırı israfçılıq var. Amma bu məsələyə toxunulmur. Niyə
toxunulmur? Çünki həmin yerlərin sahibləri adi insanlar deyil. Yəni böyük güc və
qüdrətə-imkana sahib olan insanlardı. Onlar böyük saraylar tikiblər və
insanlara elə menyular təklif edirlər ki, yaxşı qazanc götürsünlər. Hesab edirəm
ki, gələcəkdə toylarla bağlı da müəyyən ölçü götürüləcək və israfçılığı heç
olmasa qismən də olsa aradan qaldıra biləcəyik.
Təbii ki, toya başqa cür baxışlar var və
insanlar öz şad günlərini tamam yaddaqalan keçirmək üçün israfçılğa yol verilməsini
qəbul edirlər. Bu baxımdan toyda hədsiz şadyanalıq edənləri də baş düşmək çətin
deyil. Amma istənilən halda hər şeyin bir ölçüsü, əndazəsi olmalıdır...”
