Qarabağ müharibəsində iştirak edən hərbçilərimizin müavinəti artırılsın.
Bizim.Media xəbər verir ki, bu fikirləri Milli Məclisin payız sessiyasının bu gün keçirilən iclasında “Dövlət sosial müdafiə fondunun 2022-ci il büdcəsi haqqında” qanun layihəsinin birinci oxunuşunda çıxış edərkən deputat Elnur Allahverdiyev səsləndirib.
MÖVZU İLƏ BAĞLI:
Hərbçilərin maaşları ikiqat artırılsın - TƏKLİF
Onun sözlərinə görə, şəhid ailələri və qazilərlə bağlı sosial müavinət artırılsa da, müharibə iştirakçılarının müavinəti artırılmayıb.
"Təklif edərdim ki, həm I Qarabağ və II Qarabağ müharibəsi iştirakçılarına verilən müavinət az olduğundan artırılsın. Bunun üçün imkanlar mövcuddur və hökumət nəzərə alsa, yaxşı olar", deyə deputat qeyd edib.
O, eyni zamanda qazilərin və müharibə iştirakçılarının əillik dərəcəsi ilə bağlı rast gəlinən problemlərin də aradan qaldırılmasını təklif edib.
Vüsalə Balayeva, Bizim.Media
