“Bu günə qədər ölkə üzrə yüz minlərlə sənədsiz ev mövcuddur. Bu evlərə əmlak amnistiyasının tətbiqi bir çox problemlərin həllinə səbəb olacaq - həm vətəndaşların əmlakları üzərində sərəncam vermək hüququnu təmin edəcək, həm də ölkənin daşınmaz əmlak bazarını canlandıracaq”.
Bizim.Media xəbər verir ki, bu sözləri Milli Məclisin plenar iclası zamanı deputat Kamran Bayramov deyib.
MÖVZU İLƏ BAĞLI:
211 mindən çox vətəndaşın pensiyası kəsilib – Deputat rəqəmləri açıqladı
Deputatın sözlərinə görə, evlərin sənədləşdirilməsində olan ləngimələr bələdiyyə torpaqları üzərində mülkiyyət sənədlərinin və xəritələrin verilməsi prosesində yaşanır.
“Bununla əlaqədar, sənədsiz evlərin sənədləşdirilməsi və bələdiyyə torpaqları üzərində mülkiyyət sənədlərinin və xəritələrin verilməsi işinin tezliklə başa çatdırılması məqsədilə 2022-ci il dövlət büdcəsində İqtisadiyyat Nazirliyinə ayrılması nəzərdə tutulan vəsaitin artırılmasını xahiş etmək istərdim”.
Vüsalə Balayeva, Bizim.Media
