"Gənclərin Maarifləndirilməsinə Kömək" İctimai Birliyi ilk dəfə olaraq, gənclər üçün daha rahat formada seminarlar təşkil edir. Birliyin təşkil edəcəyi seminara gənclərimiz artıq evlərindən çıxmadan, canlı olaraq, “Skupy” vasitəsi ilə qatılma şansı əldə edəcəklər. Seminar “Zamanın Ruhu” adlanır və yüksək intelektə sahib Fərid Məhərrəmlinin təqdimatında keçiriləcək. Seminar 4 may saat 14:00 da “Af Mall” ticarət mərkəzinin 4-cü mərtəbəsində, “İnsayt” psixologiya mərkəzində keçiriləcək. Fəal olmağa can atan gənclər seminarı canlı olaraq, həm skupy, həm də həmin məkana gəlməklə də izləyə biləcəklər. Seminara skayp vasitəsi ilə qoşulan gənclər də, mövzu ətrafında istənilən sualı verib, cavabını ala biləcəklər. Bu imkanı sizə ilk dəfə olaraq, GMKİB-nin GM klubu “Bizim şüarımız sizin rahatlığınızdır” başlığı altında təqdim edir. Seminarla maraqlanan gənclər zamanlarını faydalı xərcləmək üçün gmkonlineseminar skupy ünvanımıza qoşulmaları yetərlidir.
GMKİB-nin GM klubunun bu seminarı keçirməkdə başlıca məqsədi Azərbaycanın hüdudlarından kənarda olan Azərbaycan gənclərini də birliyin apardıqları debat və polemikalara cəlb etməkdir.
