Zaqatalada 20 min insan susuz qalıb – “Azərsu” nə cavab verib?

Millət vəkili Elşən Musayev Zaqatala əhalisinin 20 min əhalisinin susuz qaldığını bildirib.

Bizim.Media xəbər verir ki, o, bu barədə Milli Məclisin bu gün keçirilən plenar iclasda deyib.

“Zaqatalada Tala çayı darmadağın olub. 20 min insan susuz qalıb. Əsas Aşağı və Yuxarı Tala kəndinin əhalisi susuzdurb. Mən hər yerə müraciət etmişəm. “Azərsu” deyir ki, işlək vəziyyətə gəlsin balansımıza götürərik. Hazırda həmin qurğular bələdiyyənin balansındadır”.

Deputat həmçinin bildirib ki, indi insanlar oturub gözləməli deyil ki, bu ötür-ötür oyunu qurtarsın ki, onlar su ilə təmin olunsunlar:

“Mənim son çıxışımdan sonra “Azərsu” rəhbərliyi bildirib ki, tezliklə məsələnin həll olunmasına çalışacaqlar. Bu məsələnin həlli tez bir zamanda başa gəlməlidir, çünki oradakı sakinlər çox əziyyət çəkirlər”.

Vüsalə Balayeva, Bizim.Media