Gəncə şəhər sakini Namiq Mustafayevin sərnişindaşıma ilə məşğul olan “Simurq kompany” ATSC ”“nin vergidən yayınması barədə Moderator.az-a müraciəti daxil olub.
Müraciət müəllifi saytımız vasitəsilə Vergilər
Nazirliyinə, Korrupsiya qarşı Mübarizə İdarəsinə və Nəqliyyat Nazirliyinə səslənərək
müvafiq ölçü götürülməsini xahiş edir.
Müraciətdə Gəncə sakini qeyd edir ki, 05 may
2013-cü ildə “Simurq kompany” ATSC-yə sürücü
kimi qəbul edilib.Həmin vaxtdan bu günə
kimi ATSC tərəfindən ona 5500 manat pula satılmış olan “Hyundai” avtobusla sərnişindaşıma
ilə məşğul olub.Avtobusun təmiri ,ehtiyyat hissələrinin alınması və yanacaqla
doldurulmasını da o öz hesabına tənzimləyib. Hər gün adıçəkilən müəsissə ona
möhürü oxunmayan yol vərəqəsi ilə plan məbləği müxtəlif cür göstərilən rəqəmlər
yazsa da axşamlar rəhbərlik yeni yol vərəqəsi tərtib etməklə özünə sərf edən
planın məbləğini göstərib. Son aylar ATSC-yə
ödəmiş olduğu məbləğ 1815 manat təşkil edib.Hər gün adıçəkilən müəsissə
onu və digər sürücüləri 14 saat işlətməklə plandan əlavə 11 manat 40 qəpikdən
maşının təmiri adıyla “haqq” qoyaraq külli miqdarda pul mənimsəyir.
Müraciətdə
daha sonra qeyd olunur ki, “Simurq kompany” ATSC ”“də 600 nəfər sürücü işləsə də
cəmi 256 nəfərinin adına əmək müqaviləsi bağlanıb.Hər ay əmək müqaviləsi bağlanmış
sürücülərə 85-90 azn arası əməkhaqqı
verilir. Adıçəkilən müəsissənin avtoqarajında 200 nəfərə yaxın texniki işçi
çalışır.Buna baxmayaraq onların da nə əmək müqavilələri var, nə də ki, dövlət büdcəsinə vergi ödənmir.Özlərinə
xəlvəti iqtisadiyyat quran “Simurq kompany” ATSC-nin rəhbəri Əflatun və Ərəstun qarlaşları onu işdən
çıxararaq 15000 manat ziyana
salıblar.Ona görə ki, ilkin vaxtı Namiq Mustafayev onlardan avtobusu alanda
5500 manat pul ödəyib. Bir ilin ərzində “Simurq kompany” ATSC ”“də qurulan
“Qulaq kəsmə” üsul qaydası ilə hər kəsi burada onlara nökər işləməyə məcbur
edir.Nəticədə demək olar ki, həmin müəssisənin işçilərindən banka borcu olmayan
qalmayıb.
Bundan əlavə iddia olunur ki, sözügedən müəssisə
rəhbərliyi 15 ildən çoxdur ki, əlavə dəyər vergisi, mənfəət vergisi və ödəmə mənbəyindən
tutulan vergiləri büdcədən yayındırmaqla, eyni zamanda Əmək Məcəlləsini və mövcud qanunvericiliyin tələblərini
kobud surətdə pozmaqla külli miqdarda
dövlət büdcəsinə ödənməli olan vəsaitləri mənimsəyiblər.
Xatırladaq
ki, Prezident İlham Əliyev “Azərbaycan Respublikasının Cinayət Məcəlləsində dəyişikliklər
edilməsi haqqında” Azərbaycan Respublikasının 2013-cü il 27 dekabr tarixli
Qanununun tətbiqi barədə sərəncam imzalayıb.Dəyişikliyə əsasən Azərbaycan
Respublikasının Əmək Məcəlləsində nəzərdə tutulmuş qaydada əmək müqaviləsi
(kontraktı) hüquqi qüvvəyə minmədən xeyli sayda işçilərin hər hansı işlərin
(xidmətlərin) yerinə yetirilməsinə cəlb edilməsi yeddi min manatdan on min
manatadək miqdarda cərimə və ya üç ilədək müddətə azadlıqdan məhrumetmə ilə cəzalandırılır.
Eyni əməl ikinci dəfə təkrar
edilərsə, bu halda işəgötürən üç ildən yeddi ilədək müddətə azadlıqdan məhrumetmə
ilə cəzalandırılır.
Sonda müraciət müəllifi “Simurq kompany” ATSC
”“də külli miqdarda vergidən yayınma hallarının araşdırlmasını tələb edir, Vergilər
Nazirliyi yanında Vergi Cinayətlərinin İbtidai Araşdırılması Departamenti tərəfindən
qanuni tədbirlər görülməsi tələb edilir.
