Son zamanlar Sumqayır Dövlət Universitetində (SDU) aparılan islahatlar fonunda universitetdə elm və təhsil sahəsi ilə yanaşı, idman sahəsində də böyük uğurlar əldə edilməkdədir. SDU-nun mətbuat xidmətindən Moderator.az-a daxil olan məlumata görə, fevralın 5-dən etibarən idman yarışlarına start verilib:
“Sumqayıt Dövlət Universitetində fevral ayının 5-dən 14-dək əməkdaşların ənənəvi fakültələrarası (idmanın üç növü-şahmat, dama, nərd) spartakiadasına start verildi.
Fevral ayının 5-də yarışa ilk olaraq şahmatçı əməkdaşlar qatıldılar.
Baş hakim M.Vəliyevanın rəhbərliyi altında keçirilən yarışda universitetin bütün fakültələri yaxından iştirak etdilər.
Fevral ayının 10-da baş hakim M.Kərimovanın rəhbərliyi altında baş tutan dama yarışında universitetin kişi əməkdaşları ilə yanaşı, qadın əməkdaşları da öz bacarıqlarını sınadılar.
Fevral ayının 11-12-də isə qədim və milli oyun növü sayılan nərddə mahir zər tutanlar qalibiyyət uğrunda mübarizəni davam etdirəcəklər”.
