Aşura günü qanvermə aksiyalarının keçiriləcəyi yerlər açıqlandı

Noyabrın 5-dən məhərrəmlik başlayıb. Aşura günü noyabrın 14-dür. Kərbəla şəhidlərinin xatirəsinin anıldığı matəm günlərində Qafqaz Müsəlmanları İdarəsi bir qayda olaraq Azərbaycanda qanvermə aksiyası keçirir. Qafqaz Müsəlmanları İdarəsindən “Media forum” saytına bildiriblər ki, bu il də qanvermə aksiyası olacaq.

Aksiya Bakının Yasamal rayonunda Təzə Pir və Hacı Soltanəli məscidlərində, Səbail rayonunda Bibiheybət ziyarətgah məscidində və İçərişəhər Cümə məscidində, Suraxanı rayonunda Qaraçuxur məscidində, Xəzər rayonunda Mir Mövsüm ağa ziyarətgah məscidində, Nizami rayonunda Keşlə qəsəbə məscidində, Nəsimi rayonunda Hacı Əjdərbəy məscidində, Sumqayıt şəhərində Cümə məscidində, Gəncədə İmamzadə ziyarətgah məscidində, Mingəçevirdə Heydər məscidində, Şəkidə Cümə məscidində, Lənkəranda Böyük bazar məscidində, Bərdədə Cümə məscidində təşkil ediləcək.