Çanaqqala torpağı Şəhidlər Xiyabanına səpildi

Qarabağ Azadlıq Təşkilatının (QAT) təşəbbüsü ilə Türkiyə boyunca həyata keçirilən Qarabağ Təbliğat Turunun yekun mərasimi bu gün reallaşdırılıb. QAT-ın mətbuat xidmətindən ANS PRESS-ə verilən xəbərə görə, heyət üzvləri Çanaqqaladan götürdükləri torpağı Bakıda Şəhidlər Xiyabanındakı məzarlara və Şamaxı yaxınlığındakı Türk əsgərinin məzarlığına səpiblər. 

Mərasimdə şəhidlərin ruhlarına dualar oxunub, xatirələri yad edilib. Mərasimdə Akif Nağı, Məmmədhəsən Həsənov, Jalə Cəfərova, Rövşən Əhmədli, Şahmar İbrahimov, Sərvər Musayev, İlqar Əliyev, Cəfər Dal və digərləri iştirak ediblər. 

QAT sədri Akif Nağı Çanaqqalada Türkiyə və Azərbaycan türklərinin qanı ilə suvarılmış torpağı Azərbaycana gətirdiklərini və şəhidlərin məzarına səpdiklərini deyib. "Bu tarix bir daha göstərir ki, Qarabağı İslam və türk dünyasının birliyi, birgə savaşı xilas edəcək”. 

Moderator.az