“Dağlıq
Qarabağ bölgəsinin azərbaycanlı icması” İctimai Birliyi İdarə Heyətinin üzvü,
Milli Məclisin deputatı Rövşən Rzayev mətbuata verdiyi son açıqlamasında bildirib ki,
yaxın günlərdə Dağlıq Qarabağ ətrafında olan və Azərbaycana məxsus 7 rayon azad ediləcək. Deputatın sözlərinə görə, Azərbaycan tərəfi rayonların azad olunması üçün artıq Ermənistana
tərəfinə vaxt qoyub.
Rəsmi Bakının öz
torpaqlarını azad etmək üçün işğalçı tərəfə vaxt qoyub gözləməsi əslində nə dərəcədə
doğru addımdır?
Moderator.az-a
açıqlama verən politoloq Zərdüşt Əlizadənin sözlərinə görə o, millət vəkili
Rövşən Rızayevin səmimiyyətinə şübhə ilə yanaşır:
“Dağlıq Qarabağ
münaqişəsi mürəkkəb bir prosesdir burda bir çox şey Azərbaycan tərəfinin iradəsindən
aslı deyil. Münaqişədə ABŞ, Rusiya kimi dövlətlər, BMT, Minsk qrupu kimi təşkilatların
da mövqeyi həlledici amillərdəndir. Mənə həmçinin Azərbaycan iqtidarının
mövqeyi, istəyi də bəllidir. Bizim
iqtidarın prioritetləri sırasında Qarabağ 6-cı, 7-ci cərgədə durur. Ona görə mən
düşünmürəm ki, Azərbaycan tərəfi Ermənistan rəhbərliyinin qarşısına belə bir şərt
qoysun”
Xəyal Əzizov
