Gorus-Qafan yolunun Qubadlı rayonunun Aşağı Cibikli kəndi yaxınlığından keçən hissəsi istiqamətində düşmən tərəfi hücum edib.
Bizim.Media xəbər verir ki, bu barədə məlumatı Dövlət Sərhəd Xidməti yayıb.
Bildirilir ki, Sərhəd Qoşunlarının “Qubadlı” əlahiddə sərhəd diviziyasının sərhəd-döyüş məntəqəsinin ərazisində xidmətdə olan əsgər Şirəliyev Ruslan Nəriman oğlu Ermənistan Silahlı Qüvvələrinin 2 hərbi qulluqçusunun qəfil hücumuna məruz qalıb. Əlbəyaxa döyüş zamanı Şirəliyev Ruslan sinə nahiyəsindən süngü bıçaqla xəsarət alıb.
MÖVZU İLƏ BAĞLI:
Ermənistan ordusu Sədərək istiqamətində yanğınlar törətməyə cəhd etdi - FOTO
Digər sərhəd naryadlarının köməyə gəldiyini görən Ermənistan hərbçiləri ərazinin sıx meşəlik olmasından istifadə edərək geri qaçıblar:
“Əsgər R.Şirəliyev təcili olaraq Dövlət Sərhəd Xidmətinin hərbi hospitalına təxliyə edilib, hazırda həyatı üçün təhlükə yoxdur. Baş vermiş hadisəyə görə bütün məsuliyyət Ermənistan tərəfinin üzərinə düşür və bu təxribata adekvat cavab veriləcək” - deyə Dövlət Sərhəd Xidmətindən bildirilib.
Bizim.Media
