Moderator.az-a daxil olan məlumata görə, Ana Vətən Partiyası Gənclər Təşkilatının təşkilatçılığı ilə partiyanın 45 nəfər gənc üzvü arasında Paintball turniri keçirilmişdir. Turnirin keçirilməsində məqsəd gənclərin hərbi vətənpərvərlik ruhunun artırlması, vətənimizin ”“ Dağlıq Qarabağın, onun ətrafındakı rayonların, İrəvanın, Zəngəzurun, Göyçənin, Dərələyəzin hələ də işğal altında qaldığını və ölkəmizin müharibə şəraitində yaşamasını unutmamaqdır. Ana vətənçi gənclər Ali Baş Komandanın əmri ilə işğala məruz qalmış tarixi torpaqlarımızı düşməndən azad etməyə, müstəqil və bütöv Azərbaycan uğrunda canlarından keçməyə hər an hazır olduqlarını nümayiş etdirdilər.
