Aslan İsmayılov gələcək mübarizənin anonsunu verdi

Bu gün hüquqşünas Aslan İsmayılov DİN rəhbəri Ramil Usubovla görüşüb. A.İsmayılovun sözlərinə görə, görüş zamanı bəlli olub ki, ona qarşı qanunsuzluq törədən şəxslərə qarşı hər hansı bir tədbir görülməyəcək. Bununla bağlı Moderator.az-ın sualını cavablandıran A.İsmayılov hər şeyə rəğmən ümidli olduğunu və mübarizəsini sona qədər davam etdirəcəyini qeyd etdi: “Mən hələ də məsələnin ədalətli şəkildə, qanun çərçivəsində həll ediləcəyinə ümid edirəm. Ümid edirəm ki, mənə qarşı qanunsuzluğa yol vermiş şəxslər cəzalandırılacaqdır. Və mən öz mübarizəmi həmin şəxslər layiqli cəzalarını alacaqları günə qədər davam etdirəcəyəm. Məni bu mübarizədən heç nə çəkindirə bilməz”.