Xəbər verildiyi kimi Xaçmazda "Xaçmaz Dövlət Peşə Təhsil Mərkəzi"ndə tələbələr arasında insident yaşanıb.
Belə ki, Yalama kənd sakini, 2008-ci il təvəllüdlü E. Şıxbabayev tələbə yoldaşı Elnur Şahin oğlu Mirzəyev tərəfindən qayçı ilə çoxsaylı kəsilmiş-deşilmiş yaralar alıb. Yaralı dərhal Xaçmaz rayon mərkəzi xəstəxanasına yerləşdirilib.
Bizim.Media-nın yerli bürosu xəbər verir ki, hadisənin təfərrüatları məlum olub.
MÖVZU İLƏ BAĞLI:
Xaçmazda DƏHŞƏT – Tələbə yoldaşına qayçı ilə xəsarət YETİRDİ
Tələbə yoldaşına qayçı ilə xəsarət yetirən Elnur Şahin oğlu Mirzəyev yerli polis tərəfindən saxlanılıb. O, tələbə yoldaşının ayaq və kürək nahiyəsinə yüngül xəsarət yetirib.
Xəstəxanaya çatdırılan E.Şıxbabayevin qayçılanmış nahiyəsinə tikiş qoyulub və o evə buraxılıb. Xaçmaz polis şöbəsində araşdırmalar davam edir.
Aytəkin Alxaslı, Bizim.Media, Şimal bürosu
