Xəbər verildiyi kimi Xızıda iki qardaş kanalda boğulub ölüb.
Hadisə Xızı rayonu Sitalçay kəndi ərazisində Samur-Abşeron su kanalında baş verib. Tovuz rayonunun Çilovdarlı kənd sakinləri, 1999-cu il təvəllüdlü Orxan İsrayıl oğlu Abdıyev və 2001-ci il təvəllüdlü Ramazan İsrayıl oğlu Abdıyev ehtiyatsızlıqdan kanala düşərək boğulublar.
Boğulan qardaşlarla bağlı bəzi təfərrüatlar məlum olub.
Bizim.Media-nın əldə etdiyi məlumata görə Tovuz rayon sakinləri olan Ramazan və Orxan Abdıyev qardaşları Stalçay ərazisində aparılan dövlət əhəmiyyətli obyektin tikintisində işləyirlərmiş. Onların Samur-Abşeron kanalına gecə saatlarında düşdüyü deyilir.
MÖVZU İLƏ BAĞLI:
Xızıda kanalda boğulan şəxslərin ADLARI açıqlandı – YENİLƏNİB
Xızı rayon prokurorluğunda fakta görə araşdırma başlanılıb. İlkin versiya kimi hadisənin ehtiyatsızlıqdan baş verdiyi deyilir.
Faktla bağlı Xızı Rayon Prokurorluğunda araşdırma davam edir.
Aytəkin Alxaslı, Bizim.Media, Şimal bürosu
