Astara rayonunun Siyəkü kəndində yaşayan 2024-cü il təvəllüdlü Elcan Taleh oğlu Həsənzadə bu gün günortadan sonra yüksək hərarət səbəbindən dünyasını dəyişib.
Bizim.Media-nın yerli bürosunun məlumatına görə, yaxınları uşağın qidadan zəhərlənmiş ola biləcəyini düşünüb və ona içməli soda veriblər.
Vəziyyəti pisləşdikdən sonra körpə təcili olaraq Lənkəran rayon mərkəzi xəstəxanasına çatdırılıb. Həkimlərin göstərdiyi bütün tibbi yardıma baxmayaraq, körpəni xilas etmək mümkün olmayıb.
Meyit aidiyyəti üzrə yaxınlarına təhvil verilib və hadisə ilə bağlı araşdırma aparılır.
Sabutay, Bizim.Media, Cənub bürosu
