Lerikdə qayınata kürəkənini döyüb.
Bizim.Media xəbər verir ki, hadisə Lerik rayonunun Züvüç kəndi ərazisində yerləşən otlaq sahəsində baş verib.
Kənd sakini, 1982-ci il təvəllüdlü Asəf Bağırov (adı və soyadı şərtidir) eşidib ki, qızının evində problem yaranıb. O, qızının əri Fəridi söhbət etmək üçün kəndin kənarındakı otlaq sahəsinə çağırıb. Əraziyə gələn Fəridlə Asəf arasında mübahisə yaranıb və Asəf Fəridi döyüb. Fərid hadisə ilə bağlı Daxili İşlər Nazirliyinin "102" xidmətinə zəng vurub şikayət edib.
Hadisə yerinə polis əməkdaşları gəliblər və faktla bağlı cinayət işi başlanılıb.
Lerik Rayon Məhkəməsində keçirilən prosesdə tərəflər arasında barışıq elan olunduğundan cinayət işinə xitam verilib. (Oxu.az)
Bizim.Media
