“Ağdamdan digər işğaldan azad olunmuş ərazilərə də müvafiq avtobus reyslərinin açılması ilə bağlı Rəqəmsal İnkişaf və Nəqliyyat Nazirliyi tərəfindən işlər aparılır”.
Bizim.Media xəbər verir ki, bunu jurnalistlərə açıqlamasında Ağdam, Füzuli və Xocavənd rayonlarında Azərbaycan Respublikası Prezidentinin xüsusi nümayəndəsi Emin Hüseynov bildirib.
O bildirib ki, BakI-Ağdam qatarına biletlər gözləniləndən çox satılıb:
"Gözləniləndən çox bilet satışı həyata keçirilir. Biz bu qədər sərnişin gözləmirdik. Bu gün tam dolu qatar Ağdama daxil oldu.
İlk dəfədir ki, Azərbaycanda həm Avtovağzal, həm də Dəmir Yolu Vağzalı eyni məkanda yerləşir.
Bu da nəqliyyatın səmərəli təşkilinə şərait yaradacaq. Burada ölkədə ilk dəfə olaraq qatar qapalı platformaya daxil olur. Bu da hava şəraitindən asılı olmayaraq sərnişinlərin istənilən vaxt vağzalda qəbul olunmasına şərait yaradacaqdır".
Günay Şahmar , Pərviz Allahverdiyev, Bizim.Media
