Bu il ölkəmizdə keçiriləcək Formula-1 Qrand Prisinin başlama tarixi yeni tədris ilinin "start" götürəcəyi tarixə təsadüf edir. Belə ki, məktəb və ali təhsil müəssisələrinin fəaliyyətə başlaması ilə yollarda yaranan sıxlıq Formula-1-in "start" götürməsi ilə daha da çıxılmaz hal ala bilər. Bu səbəbdən son günlər yeni tədris ilinin sentyabrın 22-də başlanacağı ilə bağlı məlumatlar gündəmdədir və ictimaiyyət arasında müzakirələrə səbəb olub.
Yeni tədris ilinin sentyabrın 22-də başlaması ilə bağlı deyilənlər nə dərəcədə doğrudur və bu istiqamətdə rəsmi qərar qəbul olunubmu?
Bizim.Media xəbər verir ki, mövzu ilə bağlı Elm və Təhsil Nazirliyinin Mətbuat Xidmətindən Sonxeber.az-a bildirilib ki, 2025-2026-cı tədris ilinin başlamasına təsadüf edən "Formula 1" üzrə Azərbaycan Qran-prisi ilə əlaqədar tədris prosesinin başlama tarixinin dəyişdirilməsinə dair yayılmış məlumat həqiqəti əks etdirmir:
"Aidiyyəti məsələlərlə bağlı yalnız rəsmi mənbələrə istinad edilməsi xahiş olunur. Əlavə olaraq bildiririk ki, yarışların keçiriləcəyi ərazilərdə yerləşən təhsil müəssisələri ilə bağlı "Formula 1" Azərbaycan Qran-prisi dövründə müəyyən məhdudiyyətlərin tətbiqinə dair qərar veriləcəyi təqdirdə ictimaiyyətə məlumat veriləcək".
Bizim.Media

- A-
- A
- A+
Cəmiyyət
08:45 / 30.08.2025
Yeni tədris ili sentyabrın 22-də başlayacaq? - RƏSMİ AÇIQLAMA
Hazırda oxunan: Yeni tədris ili sentyabrın 22-də başlayacaq? - RƏSMİ AÇIQLAMA
Hazırda oxunan: Yeni tədris ili sentyabrın 22-də başlayacaq? - RƏSMİ AÇIQLAMA
267756
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.