Lənkəranda baş verən qətlin bəzi təfərrüatları məlum olub.
Bizim.Media-nın yerli bürosunun məlumatına görə, qətlə yetirilən Əfsanə Lələzadənin dayısı bildirib ki, hadisəni törətməkdə şübhəli bilinən həyat yoldaşı Nicat Lələzadə ilə onlar təxminən 5 ilə yaxın ayrı yaşayırdılar.
Əfsanə Nicatdan boşanmaq istəyib, lakin Nicat buna etiraz edib.
Onun sözlərinə görə, Nicat səhər saatlarında Əfsanənin evdən çıxmasını gözləyib. Əfsanə dükan qarşısına gəldiyi vaxt aralarında mübahisə düşüb və Nicat özü ilə gətirdiyi bıçaqla ona bir neçə zərbə endirib.
Əfsanə xəstəxanaya çatdırılsa da, həkimə qədər həyatını itirib.
Sabutay, Bizim.Media, Cənub bürosu
