Falçı videozəng vasitəsilə 49 yaşlı qadını aldadıb 1 milyondan çox pulunu ələ keçirdi – FOTO

Rusiyada tarot falçısı 49 yaşlı qadını aldadaraq 1milyon 200 min rublunu ələ keçirib.

Bizim.Media xəbər verir ki, Yeysk şəhərindən olan 49 yaşlı sahibkar Natalya 2025-ci ildə onu nələrin gözlədiyini bilmək üçün internetdə tapdığı tarot baxıcısına müraciət edib.

Qadın tarotçudan bu il ərzində onu nələrin gözlədiyini və nə vaxt nənə olacağını soruşub və bir neçə min rubl qarşılığında kartla fal baxdırıb.

Samara vilayətindən olan 20 yaşlı Olya özünü tarotçu kimi təqdim edib və kartlarla fala yaxşı baxdığını bildirib.

O, videozəng vasitəsilə müştəri üçün kart açıb və inandırıb ki, onu xoşbəxt gələcək gözləyir.

Proses zamanı Natalya falçıya telefonunda bank məlumatlarını göstərib. Bunu görən falçı bütün pulları - 1 milyon 200 min rublu müştərinin hesabından oğurlayıb.

Tarot falçısına qarşı külli miqdarda oğurluq maddəsi ilə cinayət işi açılıb. O, hər şeyi etiraf edib və hazırda yaşayış yerini tərk etmək qadağası altındadır.

Qeyd olunub ki, bu, Natalyanın başına gələn ikinci analoji hadisədir.O, 2016-cı ildə oğurluq hadisəsinin qurbanı olub.


Bizim.Media