Ucarda güclü yanğın baş verib, 10 otaqdan ibarət olan uşaq bağçası və kitabxana yanaraq külə dönüb.
Bizim Media-nın Aran bürosu xəbər verir ki, hadisə rayonun Kücəkənd kəndində qeydə alınıb.
Belə ki, kənddə olan körpələr evi-uşaq bağçasının binası yanıb.
Yanğın zamanı ümumi sahəsi 320 kvadratmetr, 10 otaqdan ibarət olan bağca tamami ilə yanaraq yararsız hala düşüb.
Hadisə yerinə FHN-on Ucar və Kürdəmir Rayon Yanğından Mühafizə Hissəsinin canlı qüvvəsi və texnikası cəlb olunub.
Qeyd edək ki, uşaq bağçasının binasında yanan 10 otaqdan biri Mədəniyyət Nazirliyinin tabeliyində fəaliyyət göstərən kitabxana olub.
Yanğınsöndürənlər yanğını söndürüb və genişlənməsinin qarşısını alıb.
Əldə etdiyimiz ilkin məlumata görə, hadisəyə səbəb elektrik naqillərində yaranan qısaqapanma olduğu bildirilir.
Hazırda faktla bağlı araşdırma aparılır.
Bizim.Media, Aran bürosu
