Lənkəranda "VAZ-2107" markalı minik avtomobili yol kənarında dayanan, mişar daşı ilə yüklənmiş yük maşınının qoşqusuna çırpılıb.
Bizim.Media xəbər verir ki, hadisə Lənkəran-Boradigah-Masallı magistralının Veravul kəndi ərazisindən keçən hissəsində qeydə alınıb.
Nəticədə Separadi kənd sakinləri - 2008-ci il təvəllüdlü F. Əhmədzadə, 2004-cü il təvəllüdlü Ziya Canıyev, 1997-ci il təvəllüdlü Şahrza Rzayev və 1998-ci il təvəllüdlü Fərid Əzimov müxtəlif bədən xəsarətləri alıb.
Yaralılar təcili olaraq Lənkəran Rayon Mərkəzi Xəstəxanasına çatdırılıb. Həkimlərin verdiyi məlumata görə, Fərid Əzimovun vəziyyəti ağır olduğundan reanimasiya şöbəsinə yerləşdirilib.
İlkin ehtimallara görə, qəza yolun buzlu olması və sürücünün idarəetməni itirməsi səbəbindən baş verib. Faktla bağlı araşdırma aparılır.
Sabutay, Bizim.Media, Cənub bürosu
- A-
- A
- A+
Cəmiyyət
08:10 / 02.03.2025
Lənkəranda ağır qəza: 4 yaralı var
Hazırda oxunan: Lənkəranda ağır qəza: 4 yaralı var
Hazırda oxunan: Lənkəranda ağır qəza: 4 yaralı var
237240
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.
