Təhsil naziri təcili QƏRAR VERDİ – 500 min valideyinin İSTƏYİ

Təhsil Nazirliyinin qərarı ilə iyunun 16-dan yay məktəblərinə start veriləcək. 
Nazirliyin yay məktəblərin təşkili ilə bağlı qərarı keçirilən sorğu əsasında verdiyi məlum olub.

Bizim.Media xəbər verir ki, bunu Təhsil naziri Emin Əmrullayev bildirib. Nazirin sözlərinə görə, 44% respondent yay məktəbinin təşkilinə müsbət rəy verib.

Bu isə I-IX siniflərdə təhsil alan təqribən 1,350,000 şagirddən 600,000 nəfərinin valideyninin istəyi deməkdir: 

"Hətta sorğuda mümkün xətaları nəzərə alsaq, bu say 500,000-nə (yarım milyon) yaxındır. Təhsil Nazirliyi olaraq yüz minlərlə şagirdimizin öyrənməsini təmin etmək bizim əsas vəzifəmizdir. Hər hansı səbəbdən bu təşəbbüsə qoşulmaq istəməyən valideynlərin seçimini də anlayışla qarşılayırıq. Xatırlatmaq istərdim ki, yay məktəbləri könüllü və ödənişsiz əsasda şagirdlərin yaş xüsusiyyətləri nəzərə alınaraq təşkil ediləcək".

Xatirə, Bizim.Media