Xalq artisti Arif Babayev son zamanlar səhhətində problemlər yaranmasıyla bağlı mətbuatda yayılan xəbərlərə münasibət bildirib.
Moderator.az-a açıqlamasında görkəmli sənətkarımız deyib ki, məsələni bir az şişirdiblər və əslində səhhətində elə böyük gərginlik olmayıb:
“Bir qadın jurnalist zəng vurmuşdu və mən də dedim ki, təzyiqim qalxıb. O, da götürüb yazıb ki, “Arif Babayevin səhhəti pisləşdi”. Neçə gündü hamı zəng vurur. Eybi yox, olan şeydi. (Gülür) O, xanım da nəsə yazmalıdır. İndi sağ-salamatam”.xa0
Xalq artisti Gəncə hadisələrini də qınayıb:
“Sözsüz bu hadisələri qınayıram və bu mənə pis təsir etdi. Dövlətçiliyimizə qarşı yaxşı addım deyil. Uzun illərdən bəri bu sabitlik qorunub, rahat yaşayırıq. Bir olmalıyıq. Ölkəmiz dünya səviyyəsinə çıxıb. Hamımız bir olaraq yaşayaq”.xa0
Vasif Əlihüseyn
