30 yaşlı qadın dəm qazından zəhərlənərək VƏFAT ETDİ - FOTO

Bu gün gecə saatlarında dəm qazı daha bir can alıb.

Bizim.Media-nın yerli bürosu xəbər verir ki, bu dəfə bədbəxt hadisə Zaqatalanın ucqar Yengiyan kəndində qeydə alınıb.

Belə ki, kənd sakini, 30 yaşlı Asya Babayeva yaşadığı evin hamam otağında dəm qazından boğulub. Yaxınlarının sözlərinə görə qadın əvvəlcə azyaşlı uşağının hamamda çimizdirib. Onu ailə üzvlərinə təhvil verəndən sonra hamamda tək qalıb və hadisə də həmin müddətdə baş verib.

Ailə üzvləri gənc ananın hamamdan çıxmadığını göründə şübhələnib və dərhal hamamın qapısını açıblar. Dərhal Təcili Tibbi Yardıma müraciət olunub. Lakin həkimlər gələnə kimi ölüm faktı qeydə alınıb.

Gənc ananın ölüm səbəbini tam öyrənmək məqsədi ilə meyit Məhkəmə Tibbi Ekspertiza və Potoloji Anatomiya Birliyinin Zaqatala rayon şöbəsinə təhvil verilib.

Baş vermiş hadisənin təfərrüatları Zaqatala rayon Prokurorluğunda araşdırılır.

Bir müddət əvvəl həyat yoldaşından ayrılan 30 yaşlı qadının azyaşlı övladı vardı.


Tural Rasimoğlu, Bizim.Media, Şimal-qərb bürosu