Azərbaycan xaricə bildirçin əti İXRAC edə bilər - VİDEOSÜJET

Dağlıq və meşə təbiətinə xas olan bildirçin quşu artıq düzən ərazilərdə də yetişdirilməyə başlanılıb. Ev təsərrüfatlarında bildirçin saxlamaq istəyənlər bu işə maraq göstərir. Baxmayaraq ki, bildirçin yetişdirmək adi ev quşlarını bəsləməkdən daha çətin hesab olunur.

Biləsuvarlı Əli Qasımov təsadüf nəticəsində bildirçin saxlamağa həvəslənib. Müsahibimizin sözlərinə görə, bildirçin ətinin yüksək qida dəyəri olsa da, onun yumurtası daha faydalıdır.

Bildirçin yumurtası tərkibindəki qida maddələrinə görə toyuq yumurtasından dəfələrlə üstündür.

Məsələn, 4 toyuq yumurtasının əvəzinə cəmi 1 bildirçin yumurtası kifayətdir ki, eyni qida dəyərini təmin edə bilsin. Bunun səbəbi isə bildirçin yumurtasında B vitamini, kalsium və dəmirin müvafiq olaraq 2, 4 və 5 dəfə daha çox olmasıdır.

Həvəskar təsərrüfatçı Əli Qasımov bildirçinin həm ətinə, həm də yumurtasına bazarda kifayət qədər tələbatın olduğunu bildirib.

Ətraflı Bizim.Media-nın videosujetində:

 
Sabutay, Pərviz Allahverdiyev, Bizim.Media