3 nəfərin ölümünə səbəb olan qəzanın nəticələri MƏLUM OLDU

Hazırda oxunan: 3 nəfərin ölümünə səbəb olan qəzanın nəticələri MƏLUM OLDU

227949

Ötən gün Biləsuvar-Bəhrəmtəpə avtomobil yolunda baş vermiş ağır yol qəzasının nəticələri məlum olub.

Bizim.Media xəbər verir ki, hadisə nəticəsində 3 nəfər həyatını itirib, 8 nəfər isə yaralanıb.

Qəza zamanı həyatını itirənlər “VAZ-2107” markalı avtomobildə olub. Onlar Beyləqan rayonunun Yuxarı Aran qəsəbəsinin sakinləridir.

Zülfiyə Kərimova, qəzada həyat yoldaşı və qayınanasının vəfat etdiyini bildirərək iki övladının vəziyyətinin ağır olduğunu qeyd edib.

"24 yaşlı oğlum Eşqin və 27 yaşlı qızım Türkanənin vəziyyəti ağır olaraq qalır," - deyə Zülfiyə Kərimova bildirib.

Biləsuvar Rayon Mərkəzi Xəstəxanasının reaniminasiya şöbəsinə yerləşdirilən bacı-qardaşa müvafiq olaraq travmatik şok, sol budun orta 1/3 qəlpəli sınığı və dəqiqləşdirilməmiş kəllədaxili travma, başın açıq yarası diaqnozları qoyulub.

Bu gün Türkanə Kərimli müayinə və müalicə üçün Bakı şəhərinə ixtisaslaşmış xəstəxanalardan birinə göndərilib.

Sabutay, Bizim.Media, Cənub bürosu