“İqor işinin peşəkarı idi. Heç kəs inanmırdı ki, İqorun təyyarəsi qəza edə bilər”.
Bu sözləri Bizim.Media-ya təyyarə qəzasında həlak olan pilot İqor Kşnyakinin qonşusu Mehman Söyübov deyib.
MÖVZU İLƏ BAĞLI:
Həlak olan pilotun 35 illik dostundan AÇIQLAMA – “Qəzadan sonra 38 saniyə danışdıq”
Onun sözlərinə görə İqor 40 ilə yaxındır ki pilot işləyirdi:
“Eyni blokda yaşayırıq. Yaxın qonşuyuq. İki məktəbli qızı var. Biri 9-cu, digəri 10-cu snif şagirdləridir. Hələ də yoxluğuna inana bilmirik. O, qəhrəman adına layiqdir ki, insanları xilas edə bilib", - deyə qonşusu bildirib.
Xatırladaq ki, dekabrın 25-də Bakı-Qroznı marşrutu üzrə uçan "Embraer 190" sərnişin təyyarəsi Aktaunun hava limanından 3 km məsafədə qəzaya uğrayıb. Aktau şəhərində qəzaya uğrayan Bakı-Qroznı reysini yerinə yetirən “Embraer 190” təyyarəsində 62 sərnişin, 5 ekipaj üzvü olmaqla, ümumilikdə 67 nəfər olub.
Son məlumata görə, qəza nəticəsində 26 vətəndaşımız həyatını itirib, 16 Azərbaycan vətəndaşı isə sağ qalıb.
İstintaqın ilkin nəticələrinə əsasən müəyyən edilib ki, AZAL-ın təyyarəsi Rusiyanın “Pantsir-S” hava hücumundan müdafiə sistemi tərəfindən Qroznı şəhərinə yaxınlaşarkən hücuma məruz qalıb.
Nuray, Bizim.Media
