Xəbər verdiyimiz kimi, Rusiyanın Şeremetyevo, Domodedovo, Vnukovo, Jukovski və Kaluqa hava limanlarının fəaliyyətində müvəqqəti məhdudiyyətlər tətbiq edilib.
Bizim.Media-nın əldə etdiyi məlumatlara görə, "Azərbaycan Hava Yolları" (AZAL) aviaşirkəti də Rusiyanın Moskva şəhərinə olan uçuşları müvəqqəti olaraq dayandırıb.
Məsələ ilə bağlı hələlik AZAL-dan rəsmi məlumat verilməyib.
Qeyd edək ki, istintaq prosesi başa çatana qədər "Azərbaycan Hava Yolları" aviaşirkətinin Bakı-Qroznı-Bakı və Bakı-Mahaçqala-Bakı marşrutları üzrə reysləri də dayandırılıb.
Xatırladaq ki, dekabrın 25-də Bakı-Qroznı reysini yerinə yetirən “Embraer 190” tipli sərnişin təyyarəsi Aktau şəhəri yaxınlığında qəzaya uğrayıb. Təyyarədə olan 67 nəfərdən 38-i həlak olub, 29-u sağ qalıb.
Bizim.Media
