Təyyarə qəzasında həlak olan 19 yaşlı Xədicə Əlimirzəyeva Qusar Qadın Resurs Mərkəzinin üzvü olub.
Bizim.Media xəbər verir ki, bu barədə Qusar Qadın Resurs Mərkəzi məlumat yayıb..
Açıqlamada mərhum bacı-qardaşın və qəzada həlak olanların ailələrinə, başsağlığı verilib.
Həmçinin bildirilib ki, Xədicə Əlimirzəyeva 2022-ci ildə “Sahibkarlığa və Məşğulluğa İqtisadi Dəstək” layihəsinin “Gender əsaslı zorakılığın aradan qaldırılmasına icma dəstəyi” komponenti çərçivəsində həyata keçirilən “Dırnaq qaynağı” təliminin iştirakçısı olub.
Qeyd edək ki, ötən gün Bakı-Qroznı marşrutu üzrə uçan "Embraer 190" sərnişin təyyarəsi Aktaunun hava limanından 3 km məsafədə qəzaya uğrayıb. Baş vermiş təyyarə qəzasında iki Qusar sakininin biri 19 yaşlı Xədicə Mirzəbəy qızı Əlimirzəyevadır.
Aytəkin Alxaslı, Bizim.Media, Şimal bürosu
