"Dəqiq məlumatları yalnız Qazaxıstan Fövqəladə Hallar Nazirliyindən almaq lazımdır".
Bu fikirləri Bizim.Media-ya özəl açıqlamasında Xarici İşlər Nazirliyinin sözçüsü Aibek Smadiyarov deyib. O əlavə edib ki, biraz sonra dəqiq informasiya paylaşılacaq.
"Fövqəladə Hallar Nazirliyinin əməkdaşları indi Aktauya uçur, bir az sonra orada media brifinqi olacaq", - deyə Aibek Smadiyarov deyib.
Xatırladaq ki, Azərbaycan Hava Yolları (AZAL) aviaşirkətinin J2-8243 nömrəli Bakı-Qroznı reysini yerinə yetirən “Embraer 190” təyyarəsi Aktau şəhərinin 3 km yaxınlığında qəzaya uğrayıb. İlkin məlumata görə, hadisəyə səbəb hava gəmisinin quş sürüsü ilə toqquşması olub. KİV-in məlumatına görə, qəzaya uğrayan təyyarənin göyərtəsində 67 sərnişin və 5 ekipaj üzvü olub.
Tehran Orucoğlu, Bizim.Media
