Qazaxıstanın səhiyyə naziri Akmaral Alnazarova Aktauda baş verən təyyarə qəzasını şərh edib.
Bizim.Media Tengrinews.kz saytına istinadən xəbər verir ki, onun sözlərinə görə, təfərrüatlar hələlik məlum deyil.
“Qəza ilə bağlı 14 təcili tibbi yardım briqadası ayrılıb, nazir müavini hər şeyə nəzarət edir". Alnazarova bunu Qazaxıstan parlamentinin kluarında bildirib.
Qeyd edək ki, Azərbaycan Hava Yolları (AZAL) aviaşirkətinin J2-8243 nömrəli Bakı-Qroznı reysini yerinə yetirən “Embraer 190” təyyarəsi Aktau şəhərinin 3 km yaxınlığında qəzaya uğrayıb. İlkin məlumata görə, hadisəyə səbəb hava gəmisinin quş sürüsü ilə toqquşması olub. KİV-in məlumatına görə, qəzaya uğrayan təyyarənin göyərtəsində 67 sərnişin və 5 ekipaj üzvü olub.
Bizim.Media
