Gəncədə ağır yol nəqliyyat hadisəsi baş verib.
Bizim.Media-nın yerli bürosunun məlumatına görə hadisə şəhərin Ozan küçəsində qeydə alınıb.
Hadisə şahidi Anar Namazovun bildirdiyinə görə Ozan küçəsi ilə hərəkət edən “Audi” markalı maşın Xudadat Rəfibəyli küçəsindən gələn “Hundai Santafe” markalı avtomobillə toqquşub:
"Bu küçədə və bu kəsişmədə tez tez qəzalar olur. Çünki burada yollarda kəsişmələrin görüntüsü olmadığından sürücülərdə çaşqınlıq yaranır. İndi də əsas yol “Audi” markalı maşının idi. Amma kəsişmədən gələn maşının sürücüsü yolu görmədi və qəza baş verdi" - deyə hadisə şahidi əlavə edib.
Hadisə yerinə DYP əməkdaşları cəlb olunublar. Qəza zamanı hər iki avtomobilə ciddi ziyan dəyib.
Məqsəd Rəhimov, Bizim.Media, Qərb bürosu
