“Vikipediya”da Cəbrayıl haqqında özbək dilində bölmə yaradılıb

Bizim.Media xəbər verir ki, Özbəkistandakı Heydər Əliyev adına Azərbaycan Mədəniyyət Mərkəzinin (AMM) layihəsi ilə istifadəyə verilən bu bölmə “Jabrayil tumani” adlanır.

Bölmədə bu bölgənin Cəbrayıl şəhəri, 4 qəsəbə, 92 kənddən ibarət, ölkədə ən böyük ərazisi olan inzibati rayon olduğu qeyd olunub.

Bildirilir ki, Cəbrayıl olduqca qədim tarixə malikdir və buradakı abidələr, qəsrlər, dini ibadətgahlar, habelə aşkar olunan qəbirlər, kurqanlar bu faktı bir daha təsdiq edir.

Bölmədə Cəbrayılın 1993-cü il avqustun 23-də Ermənistan ordusu tərəfindən işğal edildiyi və 2020–ci il oktyabrın 4-də rayonun mərkəzi və bir sıra kəndlərinin Azərbaycan ordusu tərəfindən azad olunduğu bildirilir.

Cəbrayıl rayonu haqqında bölmə ilə linkində tanış olmaq mümkündür.

Yaxın günlərdə Xudafərin körpüsü haqqında xüsusi bölmənin də özbək dilində istifadəyə veriləcəyi bildirilir.

Bizim.Media