Sumqayıtda restoranda yanğın: 1 nəfər zəhərləndi - YENİLƏNİB

Hazırda oxunan: Sumqayıtda restoranda yanğın: 1 nəfər zəhərləndi - YENİLƏNİB

213537

Sumqayıt şəhərində ümumi sahəsi 1000 m² olan birmərtəbəli restoranın mətbəxinin yanar konstruksiyaları və damına çəkilən şüşə pambıq üzlük 70 m² sahədə yanıb.

Bizim.Media xəbər verir ki, bu barədə FHN-nin məlumatında bildirilib.

Qeyd olunub ki, yanğın zamanı 1 nəfər tüstüdən zəhərlənib. Restoranın qalan hissəsi yanğından mühafizə olunub.

Yanğından mühafizə bölmələri tərəfindən söndürülüb.

*** 12:28

Fövqəladə Hallar Nazirliyinin "112" qaynar telefon xəttinə Sumqayıt şəhərində, 17-ci mikrorayon ərazisində restoranda yanğın baş verməsi barədə məlumat daxil olub və dərhal əraziyə FHN-in Dövlət Yanğından Mühafizə Xidmətinin qüvvələri cəlb olunub.

Bu barədə Bizim.Media-ya FHN-dən məlumat verilib.

Bildirilib ki, yanğınsöndürənlərin çevik müdaxiləsi sayəsində baş vermiş yanğın qısa müddətdə söndürülüb.

*** 12:04

Sumqayıtda restoran yanır.

Bizim.Media xəbər verir ki, hadisə şəhərin 17-ci mikrorayonunda yerləşən “Baharlı" restoranında qeydə alınıb.

Yanğın yerinə Fövqəladə Hallar Nazirliyinin Dövlət Yanğından Mühafizə Xidmətinin canlı qüvvəsi və texnikası cəlb olunub. Yanğının söndürülməsi istiqamətində işlər aparılır.

Bizim.Media