Bakıda bu yarış da tamaşaçısız keçiriləcək - FOTO

Hazırda oxunan: Bakıda bu yarış da tamaşaçısız keçiriləcək - FOTO

20917

2021-ci ilin may ayında Azərbaycan Gimnastika Federasiyası ilk dəfə olaraq aerobika gimnastikası üzrə Dünya Yaş Qrupları Yarışlarını təşkil edəcək.

Bizim.Media xəbər verir ki, bu haqda məlumat Azərbaycan Gimnastika Federasiyasının saytında yer alıb.

Mənbə yazır ki, sayca 9-cu olan bu yarışlar 21-23 may tarixlərində Milli Gimnastika Arenasında baş tutacaq.

Çempionatda 12-14 və 15-17 yaş qruplarında gimnastlar birincilik uğrunda mübarizə aparacaqlar.

Hər iki yaş qrupunda gimnastlar fərdi qadın və kişi, qarışıq cütlük, üçlük, qrup proqramları üzrə təsnifat və final mərhələlərində çıxış edəcəklər. Bununla yanaşı, 15-17 yaşlı idmançılar aero dans proqramında da öz qüvvələrini sınayacaqlar.

Azərbaycanı yarışlarda Leyla Abdullazadə, Arzu Ağayeva, Leyla Əhmədova, Sara Əlixanlı, Aylin Əliyeva, Rövşanə Bağırzadə, Leyla Bejanova, Dilarə Qurbanova, Fidan İbrahimova, Aliyə İsmayılova, Sənəm Kazımova, Evelina Kozlovskaya, Emiliya Mahmudova və Məryəm Topçubaşova təmsil edəcək.

Yarışlar karantin qaydalarına, sanitar-epidemioloji tələblərə riayət edilməklə və tamaşaçısız keçiriləcək.

Bizim.Media