İyunun 2-də Tovuz rayonunun Hunanlar kəndi ərazisində avtomobilin Kür çayına düşməsi nəticəsində batdığı ehtimal olunan 2 nəfərdən digərinin meyiti suda tapılıb.
Bizim.Media “apa.az”a istinadən xəbər verir ki, FHN-in dalğıc-xilasediciləri tərəfindən sudan tapılan 1988-ci il təvəllüdlü Elxan Sadıqovun meyiti sudan çıxarılaraq aidiyyəti üzrə təhvil verilib.
MÖVZU İLƏ BAĞLI:
Abşeronda avtomobil kanala DÜŞDÜ - Sürücünün axtarışları davam etdirilir
Qeyd edək ki, iyunun 2-də hərəkətdə olan “VAZ 2107” markalı minik avtomobili Kür çayına aşıb. Bu zaman sürücü 1989-cu il təvəllüdlü Tural Quliyev, 1991-ci il təvəllüdlü Vüqar Cəfərov və 1988-ci il təvəllüdlü Elxan Sadıqov batıb. 1992-ci il təvəllüdlü Turqut İbrahimov xilas olub.
1989-cu il təvəllüdlü Quliyev Tural Hüseyin oğlunun meyiti dünən avtomobilin çaya düşdüyü yerdən 3 km məsafədə Fövqəladə Hallar Nazirliyinin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasediciləri tərəfindən suda tapılıb çıxarılaraq aidiyyəti üzrə təhvil verilib.
Bizim.Media
