Laçın rayonunun Sus kəndi yenidən tikilib. Uzun illər ölkənin müxtəlif bölgələrində müvəqqəti məskunlaşmış sakinlər artıq bir aydan çoxdur ki, doğma yurda daimi yaşamağa qayıdıblar.
Bizim.Media xəbər verir ki, Qaçqınların və Məcburi Köçkünlərin İşləri üzrə Dövlət Komitəsi Laçın rayonunun Sus kəndinin indiki vəziyyətini göstərən videoçarx hazırlayıb.
Xatırladaq ki, Laçın rayonu Sus kəndi, dövlət başçısının tapşırığı əsasında, tamamilə yenidən tikilib və zəruri infrastrukturla təchiz edilib. İndiyədək Sus kəndində 59 ailə (215 nəfər) fərdi yaşayış evi ilə təmin edilib.
Bizim.Media
