“Əvvəl bilik daha önəmliydisə, indi fərqli bacarıqlara üstünlük verilir” – Emin Əmrullayev

Hazırda oxunan: “Əvvəl bilik daha önəmliydisə, indi fərqli bacarıqlara üstünlük verilir” – Emin Əmrullayev

Elm və təhsil naziri Emin Əmrullayev, Baku ID festivalı çərçivəsində keçirilən bir paneldə fərqli bacarıqlara daha çox üstünlük verilməsi haqqında danışıb. Azərbaycan təhsil sisteminin rəqəmsal bacarıqlar layihəsi ilə yeniliklər gətirilməsi və istedadlı tələbələrin iqtisadi liderlərlə bir araya gətirilməsi vurğulanıb.

199260

“Sabah Qrupları yarandığı 2014-cü ildən bəri istedadları üzə çıxarmaq, onların bacarıqlarını artırmaq istiqamətində önəmli bir inkişaf dövrü keçirib”.

Bizim.Media xəbər verir ki, bunu Elm və təhsil naziri Emin Əmrullayev "Baku ID" festivalı çərçivəsində keçirilən paneldə çıxışı zamanı deyib.

O bildirib ki, əvvəllər bilik daha önəmli sayılırdısa, indiki dövrdə fərqli bacarıqlara daha çox üstünlük verilir.

"Şagirdlərimizin koqnitiv bacarıqları kifayət qədər yaxşı olsa da, müşahidələr göatərir ki, onların iş həyatına atılmaları üçün lazımi praktiki bacarıqları yetərli olmaya bilir. SABAH Akademiyasını yaradarkən istedadlı tələbələri ölkənin iqtisadi liderləri ilə bir araya gətirməyi hədəfləyirdik.

Ölkəmizdə 15 yaşına qədər gənclərin 2 faizi aldıqları təhsil sayəsində dünyanın qabaqcıl ölkələrində yüksək təhsil almış yaşıdları ilə bərabərsəviyyəli bilik və bacarıqlara malikdirlər. Böyük inkişafa nail olmaq üçün ani dəyişiklikdənsə, bizim etdiyimiz kimi dəyişikliyə mərhələli formada məktəbdən başlamaq lazımdır".

Nazir qeyd edib ki, bu il rəqəmsal bacarıqların ilk məzunları olacaq. Bu, Azərbaycan təhsili üçün önəmli yenilikdir.

"Rəqəmsal bacarıqlar" layihəsinin məzunları yaşıdlarından fərqli olaraq startap kimi mövzulara daha yaxşı hakim olaraq tələbə həyatına başlayacaqlar".

Nuranə Daxilqızı, Bizim.Media