Şüvəlanda bu gün törədilən qətliamın yeni təfərrüatı məlum olub.
Bizim.Media xəbər verir ki, əvvəllər dəfələrlə məhkum olunmuş 38 yaşlı Allahverdiyev Rövşən dələduzluq maddəsi ilə axtarışda olub. O, bu dəfə ayrı-ayrı vətəndaşlara 1.5 milyon manata yaxın zərər vurub.
MÖVZU İLƏ BAĞLI:
SON DƏQİQƏ! Bakıda atışma: 3 polis və 1 mülki vətəndaş qətlə yetirildi
Qeyd edilib ki, onun barəsində Xəzər Rayon Polis İdarəsində çoxsaylı şikayətlər olub.
Bir müddət əvvəl Türkiyədə yaşayan Rövşən Allahverdiyev bu yaxınlarda ölkəyə daxil olub və onun evdə olduğunu bilən polis əməkdaşları mənzilə yollanıblar.
Əvvəlcə polislərlə normal danışan Rövşən Allahverdiyev paltarını dəyişmək adıyla mənzilinə daxil olub və oradan ov tüfəngini götürərək qarşısındakıları güllələyib.
Qatilin növbəti qurbanı isə səs-küyə gələn qonşu olub.
Bizim.Media
